Азийн зүүн бүсийн АШТ энэ долоо хоногт эхэлнэ

-Азийн зүүн бүсийн эрэгтэйчүүдийн аварга шалгаруулах тэмцээний нээлт ирэх ням гаригт болно-

Монгол Улсад гурав дахь удаагаа зохион байгуулагдаж буй Азийн зүүн бүсийн эрэгтэйчүүдийн аварга шалгаруулах тэмцээн ирэх ням гаригт (V.10) Буянт-Ухаа спортын ордонд эхлэх гэж байна. Азийн волейболын холбооны ивээл дор болох энэхүү тэмцээнд найман орон оролцож байгаа бөгөөд “А” хэсэгт Монгол, БНХАУ, БНСУ, ХонгКонг, “В” хэсэгт Япон, Макао, Тайвань, БНАСАУ-ын багууд багтсан.

Тус тэмцээнийг Монгол Улсын Засгийн газар, Эрүүл мэнд, спортын яам дэмжин, “Витафит” групп ерөнхий ивээн тэтгэгчээр ажиллаж байна. Мөн Баянгол зочид буудал, тамирчидад үйлчлэхээр "Атибус" ХХК, харуул хамгаалалтын O.B.S ХХК хамтран ажиллахаар болсон. Тэмцээний үеэр ажиллах сайн дурын ажилтнуудын бэлтгэлийг хангаж байгааг Монголын волейболын холбооноос дуулгалаа.

Энэ удаагийн тэмцээнийг шууд дамжуулахаар ТВ-9, МНС, Сүлд гэсэн гурван телевизийн уран бүтээлчид ажиллахаар болжээ.

Тоглолтын хуваарь: (Буянт-Ухаа спортын ордон)

V.10 (Ням гариг)

12.00 Япон vs БНАСАУ
14.00 Макао vs Тайвань
16.00 Нээлтийн ажиллагаа
17.00 Монгол vs Хонгконг
19.00 БНХАУ vs БНСУ

V.11 (Даваа гариг)

14.00 ХонгКонг vs БНСУ
16.00 Тайвань vs БНАСАУ
18.00 Япон vs Макао
20.00 Монгол vs БНХАУ

V.12 (Мягмар)

14.00 Макао vs БНАСАУ
16.00 БНХАУ vs ХонгКонг
18.00 Тайвань vs Япон
20.00 БНСУ vs Монгол тус тус тоглож хэсгийн тоглолт өндөрлөх юм.

Хэсэг бүрээс нэг, хоёрдугаар байраар шалгарсан багууд хүрэл болон алтан медалийн төлөө өрсөлдөнө. Тэмцээний хуваарийн дагуу лхагва гаригт тоглолтгүй өнжиж, пүрэв, баасан гаригт хагас шигшээ болон шигшээ тоглолтууд болох юм.

V.14 (Пүрэв)