УИХ-ын чуулганы нэгдсэн хуралдаанаар Хөдөө аж ахуйн гаралтай бараа, түүхий эдийн биржийн тухай хуулийн төслийн эцсийн хэлэлцүүлгийг хийж, улмаар гишүүдийн 90.2 хувийн саналаар төслийг баталлаа. Эл хууль нь ирэх 2012 оны нэгдүгээр сарын 1-ний өдрөөс эхлэн хэрэгжих болж байна. Энэ нь Засгийн газрын төвшинд бирж байгуулах ажлын бэлтгэлийг хангах, нөгөө талаас малчид хөдөлмөрөө хоршин,  хоршоо байгуулах, ченжүүд брокер болох гээд олон ажлууд энэ хугацаанд хийгдэхтэй холбоотойгоор хэрэгжих хугацааг ийн хойш татжээ.