Одоогоос гурван жилийн өмнө 15 настай охины амь насыг санаатай хохироосон хэрэгт яллагдагчаар татагдсан Ө.Хэрлэнчимэг болон түүний найз залуу Ж.Очбадрах нарт холбогдох хэргийг шүүх хурал Дээд шүүхийн танхимд эхэллээ. Анхан шатны болон давж заалдах шатны шүүхээс 17-20 жилийн ял сонссон Ө.Хэрлэнчимэг нар, Ж.Очбадрах нарын хэргийг тэдний өмгөөлөгчдийн гомдлын дагуу Дээд шүүд хянан хэлэлцэж буй.

Сүхбаатар дүүргийн анхан шатны шүүхээс өнгөрөгч нэгдүгээр сарын 20-нд Ө.Хэрлэнчимэг Ж.Очбадрах нарт тус бүр 20 жил зургаан сар, С.Гантуяа, Ү.Ганболд, Д.Сарантуяа нарт тус бүр 17 жилийн хорих ял оноосон бол  Д.Отгонжаргал, Ж.Оч-Мандах, К.Тэмүүжин нарыг гэм буруугүй хэмээн цагаатгасан юм. Улмаар 17 жилийн ял сонссон  С.Гантуяа, Ү.Ганболд, Д.Сарантуяа нар нь  хэрэг гарах үед буюу 2008 онд насанд хүрээгүй байсан учир Өршөөлийн тухай хуульд  хамруулсан билээ. Харин Нийслэлийн давж заалдах шатны шүүх хэргийг хэлэлцээд анхан  шатны шүүхийн шийдвэрийг хэвээр үлдээхээр болсон юм.