Энэ хорвоогийн хамгийн өхөөрдөм, энхрий үрсийн инээд хөөр Хүүхдийн паркийг баяр баясгалангаар бялхууллаа. Бүтэн гурван цагийн турш хүүхдийн цагаан энергиэр цэнэглэгдсэн энэ баярт үйл явдал бол Stars үйлчилгээний ах эгч нараас нь  зориулсан Stars carnaval баяр байсан юм.

Харсан болгон нь сонин байж, сонссон бүр нь гайхам байсан Stars carnaval-д тэдний хайртай Бонго болон түүний найзууд, Stars-ын одод, далайн дээрэмчид, бүжин туулайнууд, бяцхан гөлөгнүүд, харийн ертөнцийн Avatar, хүчирхэг Halk, урт хөлтэй алиалагчид, бөмбөрчин хөвгүүд гээд олон баатрууд нэгдэн уртаас урт баярын жагсаалыг үүсгэж чадсан юм.

Хамгийн гайхалтай нь үзэхээр ирсэн хүүхдүүд маань үнэн сэтгэлээсээ өөрсдийгөө чимж ирсэнийг энд заавал дурьдах хэрэгтэй. Үлгэрийн гүнж, Күн фү Панда, Spider man, Batman гээд өөрсдийн хайртай үлгэрийн баатрынхаа дүрд хувирч ирсэн учраас Stars гарын бэлэг, үзэгчдийн алга ташилтын хамт шагнууллаа.

Дуу хуур бүжиг наадмаар чимсэн баярын бас нэгэн бэлэг бол “Universe best songs-2011” наадмын шилдгүүд, “Crush bash” хамтлаг, Rapper Gee, “Оршихуй” хамтлаг, бяцхан урлагийн авьяастнууд, бүжгийн “Lego”, “Electro rhythm”, “Beat1 family” хамтлагийн тоглолтоор үргэлжилж байсан юм. Ирсэн хүүхэд бүрээ баярлуулж чадсан Stars carnaval өндөрлөсөн ч ирэх жил дахин уулзахаа амлаж байна.