“Улаанбаатар дахь Бритиш сургууль” боловсролын салбарын шилдэгээр шалгарлаа

“Улаанбаатар дахь Бритиш сургууль”-ийг Монголын боловсролын салбарт сургалтын чанартай үйлчилгээ, боловсролын шинэ технологи хэрэгжүүлж, богино хугацаанд “Олон улсад бүрэн магадлан итгэмжлэгдэж”, “Англи-Уэльсийн үндэсний сургалтын хөтөлбөр”-ийг амжилттай нутагшуулж байгааг нь үнэлж “Bloomberg awards 2014”-ийн “БОЛОВСРОЛЫН САЛБАРЫН ШИЛДЭГ”-ээр шалгаруулжээ.

“Улаанбаатар дахь Бритиш сургууль” нь 2014 онд Их Британийн Боловсролын газрын зөвшөөрөлтэй олон улсын “Penta International” (www.pentainternational.co.uk) магадлан итгэмжлэх байгууллагын магадлан итгэмжлэлд орж сайн үнэлгээ авснаар Олон Улсын Бритиш Сургуулиудын Холбооны гишүүн (COBIS) 180 сургууль дотроос Их Британийн Боловсролын Яамны бүртгэлтэй магадлан итгэмжлэгдсэн 37 дахь сургууль, Монголын анхны “Олон улсад магадлан итгэмжлэгдсэн” Бритиш дунд сургууль болжээ.

Тус сургууль нь Англи-Уэльсийн үндэсний хөтөлбөр, Олон Улсын бүрэн дунд ерөнхий боловсролын “IGCSE”, “А” түвшний дипломын хөтөлбөрүүдийг хэрэгжүүлэхийн зэрэгцээ Монгол Улсын боловсролын стандартад нийцүүлэн Монгол хэл, Монголын түүх, Газар зүйн хичээлийг эх хэл дээрээ Монгол багш нар явуулж Үндэсний хэл, соёл, зан заншил, өв уламжлалаа дээдэлдэг дэлхийн Монгол иргэн болгон төлөвшүүлэх зорилготой ажиллаж байна.

Бритиш Англи хэлний Дэлхийн олимпиадад Улаанбаатар дахь Бритиш сургуулийн сурагчид 4-р байрт шалгарлаа.

Их Британийн Лондон хотод жил бүр уламжлал болгон зохион байгуулагддаг Бритиш Англи хэлний олимпиадад “Улаанбаатар дахь Бритиш сургууль”-ийн сурагчид анх удаагаа Монгол Улсаа төлөөлөн оролцож хэсгээсээ 4-р байрт шалгарлаа. Энэхүү 4-р байрт шалгарсанаараа  эцсийн аварга шалгаруулалтын “Final”-д оролцох эрхтэй болжээ. Энэхүү Бритиш Англи хэлний дэлхийн олимпиадад дэлхийн 24 орны 124 олон улсын сургуулийн 1600 гаруй сурагчид оролцдог дэлхийн хэмжээний олон улсын англи хэлний олимпиад юм.

Улаанбаатар дахь Бритиш сургуулийн багийн сурагчид эцсийн шалгаруулалтын “Final”-даа бэлтгэж “Culture Workshop”-ын нэгдсэн сургалтанд идэвхитэй оролцож байна.