Тайпей хотноо явагдаж буй Computex мэдээлэл харилцаа холбооны
үзэсгэлэн нь Азидаа хамгийн том, дэлхийд CeBIT-ийн дараа хоёрдугаарт
бичигддэг томоохон шоунд тооцогддог. Жил бүр зохиогддог энэхүү
үзэсгэлэнд 35000 гаруй гадны худалдан авагчид оролцож, дэлхийн олон орны
судлаачид, сэтгүүлчид ирж сүүлийн үеийн технологи, бүтээгдэхүүнийн
хөгжил, чиг хандлагыг үзэж сонирхдог байна.

Энэ жилийн Computex үзэсгэлэн дээр Asus
компани шинэхэн гарсан 13,3 инчийн хэмжээтэй, Core i7процессор бүхий хэт
нимгэн зөөврийн компьютерээ танилцууллаа. Металл хайлшин гадаргуутай
хэдий ч жин нь ердөө 1,1 кг, хамгийн зузаан хэсэгтээ 17мм өргөнтэй,
хамгийн нимгэн хэсэг нь 3мм.

SATA 3 SSD диск болон Asus-ийн тусгай
программ хангамжийн тусламжтайгаар энэ зөөврийн компьютер ердөө 2-хон
секундэд асч байгаа нь үзэсгэлэнд оролцогчдын анхаарлыг ихээр татжээ. 
Micro HDMI болон 2ширхэг USB порттой, нэг нь 3,0 нөгөөх нь ердийн 2,0.
Ерөнхийдөө MacBook Air-тэй өрсөлдүүлэхээр гаргажээ гэсэн сэтгэгдэл
төрүүлэхээр.

2011 оны 3-р улиралд худалдаанд гарах ба үнийн хувьд тодорхойгүй байгаа юм байна.