Хүүхдийн баяраар замын хөдөлгөөнд оролцож байгаа бүх тээврийн хэрэгслүүд гэрлээ асааж оролцдог болоод удаж байгаа билээ. Анх 1998 онд эл баярыг тохиолдуулан хүүхдүүдээ хүндэтгэл үзүүлэн зургаадугаар сарын 1-нд бүх жолооч нарт  замын хөдөлгөөнд оролцохдоо гэрлээ асааж оролцох тухай захирамж гарч байсан. Харин өнөөдрийг хүртэл жил бүрийн зургадугаар сарын 1-нд эл захирамж бичигдээгүй хууль болон үйлчилсээр байгаа юм. Энэ өдөр заавал  мөрдөх хууль, тогтоол байхгүй ч замын хөдөлгөөнд оролцож буй жолооч нараас  асуухад хүүхдүүдэд хүндэтгэл үзүүлэн гэрлээ асааж оролцож байна хэмээн хариулсан юм. Монголын бяцхан үрстээ нийт жолоочдынхоо өмнөөс баярын тэнд хүргэе.