Тайванийн  Тайпей хотод жил бүр зохиогддог “Computex” компьютерийн үзэсгэлэнд энэ удаа хамгийн сүүлийн үеийн  50  гаруй төрлийн таблет компьютерийг дэлгэн тавилаа. Өнгөрсөн мягмар гаригт эхэлсэн үзэсгэлэн ирэх бямба гариг хүртэл үргэлжлэх юм байна. Үзэсгэлэнг зохион байгуулагчид дэлгэн тавьсан хамгийн сүүлийн үеийн технологи бүхий тэдгээр компьютерууд худалдаа нь буурч буй зах зээлд орон зайгаа эзлэхэд том алхам болно гэж мэдэгджээ.

Үзэсгэлэнд таблет болгосон Asus  гар утас “Padfone”, “Apple”-ийн “Macbook”-ийг орлох  “UX21” нимгэн лаптоп, “Asus Eee Pad MeMO” 3D таблетуудыг дэлгэн тавьжээ. Түүнээс гадна уг үзэсгэлэнгийн үеэр “Windows 7”  болон “Google”-ийн андройд үйлдлийн систем бүхий “ ViewSonic” таблетыг анх удаа нийтэд дэлгэн үзүүлж байгаа юм байна.