Нийслэлийн Баянгол дүүргийнхэн өнөөдөр багачууддаа бэлэг тараалаа. Тус дүүргийн Засаг дарга Л.Амгалан болон 54-р сургуулийн дуу хөгжмийн багш н.Цэцэгээ нар хамтран долоо, наймдугаар хорооны хүүхэд багачуудад гарын бэлгээ тараасан юм. Энэ үеэр Баянгол дүүргийн Засаг дарга Л.Амгалан хүүхдүүдэд хандаж “Хүүхдүүд та бүхэн хичээл, сургуульдаа сайн сураад эх орондоо хэрэгтэй, эрдэм боловсролтой хүүн болоорой гэж ерөөе” хэмээн хэлэв. Мөн тус дүүргийнхэн өнөөдөр дүүргийнхээ нийт 35 мянган хүүхдэд зориулж том талбайд арга хэмжээ зохион байгуулж байгаа юм.