Тансаг эдлэлийн “Louis Vuitton” 16 настай оюутан охиныг загварын шинэ нүүр царайгаар сонголоо. Хоёр жилийн өмнөөс загвар өмсч эхэлсэн Ниаша Матонхоз Их Британийн “Elite Model Look” тэмцээнд ялж, “Louis Vuitton” -тэй хамтран ажиллах гэрээ байгуулах болсон байна.

Английн Нортхамптоншир хэмээх жижигхэн хотоос ирсэн сургуулийн охин дүрэмт хувцастайгаа “London Fashion Week SS11”-ийн загварын тайзнаа эгээ л туршлагатай модель шиг алхаж нэртэй загвар зохион бүтээгч нарыг алмайруулсан гэнэ.

Загварын ертөнцөд цоо шинэ өнгө нэмэх залуу хатагтай одоогоор “Louis Vuitton”-ы сүүлийн коллекцийн зураг авалтын ажилд ханцуй шамлан орсон гэнэ.