Олон хүүхэд төрүүлж өсгөсөн эхийг урамшуулах тухай хуулийн дагуу өнөөдөр олон ээж  “Алдарт эх”-ийн одон хүртэнэ. Уг хуулийн дагуу  дөрвөн хүүхэдтэй ээж “Алдарт эх”-ийн  II, зургаан хүүхэдтэй бол I одон авч буй. Улс орны эдийн засгийн бодит өсөлт хөдөлмөрийн чадвартай хүн амын тооноос шууд хамаардаг. Тиймээс хөдөлмөрийн чадвартай хүн амын тоог тууштай нэмэгдүүлэх,  эхийн төрөлтийг дэмжиж , хүн амаа өсгөхөөр төрөөс тодорхой бодлого хэрэгжүүлж буй нь энэ. Уг хуулийн төслийг 2008 онд  УИХ-ын гишүүн Б.Мөнхтуяа санаачилсан. Тэрбээр өчигдөр “Алдарт эх”-ийн одонтой ээжүүдэд баярын мэнд хүргэж, мэндчилгээ дэвшүүлсэн байна.

Дээрх хуулийг баталснаар жилд дунджаар 500 орчим ээж “Алдарт эх”-ийн I,  1500 орчим ээж II одонгоор шагнуулах болжээ.  Одонгийн шагналд улсын төсвөөс 1.2 тэрбум төгрөг зарцуулах юм байна.