Засгийн газрын ээлжит хуралдаан долоо хоног бүрийн лхагва гаригт болдог ч маргааш Эх үрсийн баярын өдөр тохих тул эл хуралдааныг урагшлуулан өнөөдөр 10.00 цагт зарлажээ. Эл хуралдаанаар Монгол Улсын Ерөнхийлөгчийн санаачлан боловсруулсан Монгол Улсын төрийн  батлан хамгаалах бодлого батлах тухай УИХ-ын тогтоолын төсөлд өгөх Засгийн газрын санал, дүгнэлтийн төсөл, УИХ-ын гишүүн С.Эрдэнийн санаачлан боловсруулсан Нийгмийн даатгалын тухай хуулиудыг хэрэгжүүлэх журмын тухай хуульд нэмэлт оруулах тухай, Нийгмийн даатгалын сангаас олгох тэтгэвэр, тэтгэмжийн тухай хуульд нэмэлт оруулах тухай хуулийн төсөлд өгөх  Засгийн газрын санал, дүгнэлтийн

төслийг авч хэлэлцэх юм байна. Мөн УИХ-ын гишүүн Э.Бат-Үүлийн санаачлан боловсруулсан Засгийн газрын агентлагийн эрх зүйн байдлын тухай хуульд нэмэлт оруулах тухай хуулийн төсөлд өгөх Засгийн газрын санал, дүгнэлтийн төсөл, УИХ-ын гишүүн П.Алтангэрэл, Н.Ганбямба нарын санаачлан боловсруулсан Хүний хөгжил сангийн тухай хуульд нэмэлт оруулах тухай хуулийн төсөлд өгөх Засгийн газрын санал, дүгнэлтийн төслийг тус бүр авч хэлэлцэхээр төлөвлөжээ. Танилцуулах асуудлын жагсаалтад Монгол Улсын Ерөнхийлөгчийн алба хашиж байсан Н.Багабандийн орон

сууцтай холбогдуулан гарсан УИХ, Засгийн газрын шийдвэрийн хэрэгжилтийн байдлын тухай, ”Атрын гурав дахь аян” тариалангийн хөгжлийн хөтөлбөрийн хүрээнд тариалангийн талбайн хөрсний үржил шимийн шинжилгээ хийсэн дүнг багтаасан байна.