Сүхбаатар аймгийн BBS TV-н мэдээллийг хүргэж байна. 2015.03.17

– Монгол цэргийн баяр удахгүй болно. Баруун-Урт цэргийн хүрээний анги салбар, тусгайлсан чиг үүрэг бүхий байгууллагуудын дунд зохигддог Марш тактикийн тэмцээн өнөөдөр боллоо. Тэмцээнд 4 байгууллагын 8 багийн хүчний байгууллагын 80 залуу оролцлоо. Сүхбаатарын талбайд үзүүлэх тоглолтоор эхэлсэн тэмцээнд багууд 10 км-ын марш, гранат шидэлт, буудлага, газанд орох зэрэг хүний тэсвэр тэвчээрийг шалгасан даалгаварыг цаг минуттай уралдан гүйцэтгэсэн байна.

– Аймгийн засаг даргын ивээл дор зохион байгуулагдаж байгаа заалны хөл бөмбөгийн тэмцээн амралтын өдрүүдэд болж шилдэг тоглогч аваргуудаа тодрууллаа. Хөл бөмбөгийн тэмцээнд 13-аас доош насны 140 гаруй хүүхэд оролцож 3 сарын турш хөл бөмбөгийн спортоор өрсөлдөж ийнхүү шилдэг багуудаа шалгарууллаа.

– Өсвөр үеийн аймгийн аварга шалгаруулах сагсан бөмбөгийн тэмцээн 2 насны ангилалаар явагдаж өнөдөрлөлөө. Тэмцээнд 400 гаруй хүүхэд авхаалж самбаагаа сорин өрсөлдлөө. Сумдаас оролцож байгаа багуудын ур чадвар жил ирэх тусам нэмэгдэж байгааг зохион байгуулагчид онцолж байсан юм.

– ОХУ-ын Буриад улсын нийслэл Улаан-Үд хотын төмөр замын техникумд оюутан элсүүлэх тухай Мягмарсүрэн гэдэг иргэнд бүртгүүлж мөнгөө залилуулсан иргэд аймгийн Цагдаагийн газрын Гэмт хэрэгтэй тэмцэх тасагт ирж уулзахыг анхааруулж байна. Дээрх иргэн бусад аймагт ч энэ төрлийн хэргийг үйлдсэн болохыг цагдаагийнхан тогтоогоод байгаа юм.

BBS TV