Монголын тайз дэлгэцийн уран бүтээл туурьвдаг ихэнх хамтлаг, продакшнууд залуу уран бүтээлчдээ сонгож авахдаа царай зүс, бие хааг нь хардаг болчихоод байгаа. Харин Х-Түц продакшний хувьд бусдаас өвөрмөц нь царайг биш, авъяасыг чухалчилдаг байсан бол сүүлийн үед бусдын жишгийг дагаж залуу жүжигчдийнхээ авъяас болон гадаад байдлыг онцгойлон анхаарах болсон бололтой. Тус продашний сүүлийн үеийн уран бүтээлүүдэд ихэнхдээ л залуу жүжигчид нь тоглох болсон. Х-Түц продакшны жүжигчин А.Туяагийн хувьд сүүлийн үед хамтлагийнхаа “face” болоод байгаа нь Х-Түц продакшний шинэ уран бүтээлүүдээс анзаарагдана. Тэрээр тайзан дээр биеэ авч яваа байдал болоод жүжиглэх ур чадвараас гадна гадаад байдлаараа үзэгчдийг бүрэн татаж байгаа залуу уран бүтээлч юм. Түүний хувьд СУИС-ыг жүжигчний мэргэжлээр дүүргэсэн бөгөөд сургуулиа төгссөн даруйдаа Х-Түц продакшний үндсэн жүжигчин болсон юм билээ. Залуухан, халуухан бүсгүйд дурлахгүй хүн гэж ховор. Тиймээс Х-Түц продакшний содон өнгө төрх болсон энэ бүсгүй сүүлийн үед залуу жүжигчид дотроо карьер өндөртэй яваа нэгэн юм.