Египетийн эрх баригчид Газын зурвасын хаалтаа татан буулгаж, Рафах хотын  хилийн нэвтрэн өнгөрүүлэх цэгээ нээжээ. Хилийн нэвтрэн өнгөрүүлэх цэг долоо хоног бүрийн баасан гариг болон баярын өдрүүдээс бусад өдөр нээлттэй байх гэнэ. Египетийн нутаг дэвсгэрт орох гэсэн 18-40 насны эрэгтэйчүүд виз авах шаардлагатай юм.

Египет ба Газын зурвасын хил дөрвөн жилийн турш хаалттай байсан. Египетийн эрх баригчид палестинчуудын хоорондын зөрчлийг арилгахын тулд ийм арга хэмжээ авсан гэнэ. Олон жил сөргөлдсөн ФАТХ, ХАМАС хоёр энэ жилийн дөрөвдүгээр сард Египетийн зуучлалаар эвлэрсэн юм. Хил хаалттай байх үеэр палестинчууд Египетээс газар доогуур ухсан хонгилоор хоол хүнс, зэр зэвсгээ зөөдөг байлаа.