Английн “Standard Chartered” банк Төрийн өмчит “Эрдэнэс МГЛ” компанийн санхүүгийн зөвлөхөөр сонгогдсон тухай IFRASIA мэдээлжээ. Стратегийн орд газар болох Таван Толгойд хэрэгжүүлэх 15 тэрбум ам.долларын төслийн санхүүгийн зөвлөхөөр ажиллах тус банк  Их Британи, Хонгконг, Сингапур зэрэг оронд үйл ажиллагаагаа явуулдаг гэнэ. “Standard Chartered” банк 1853 онд байгуулагдсан бөгөөд  нийт 80 гаруй мянган ажилчинтай. Банкны жилийн орлого өнгөрсөн онд 16.06 тэрбум ам.долларт хүрч байжээ.