Монголын Засгийн газар, Азийн залуучуудын зөвлөл, Монголын залуучуудын холбоо хамтран азийн  залуучуудын чуулганыг зохион байгуулах гэж байна. XIII Ерөнхий Чуулганыг 2015 оны тавдугаар сарын 18-21-ний өдрүүдэд “Нэг Ази 2015: Тогтвортой хөгжлийн зорилтод залуучуудын оролцоо” гэсэн сэдвийн дор зохион байгуулахаар болжээ. Чуулганд дотоод, гадаадын 600 орчим зочид төлөөлөгчид оролцох юм.

Чуулган нь боловсрол, хөдөлмөр эрхлэлт, эрүүл мэнд, жендер, тогтвортой хөгжлийн зорилтод залуучуудын үүрэг оролцоо, залуучуудын талаарх бодлого, хөтөлбөрүүд ба тогтвортой хөгжил гэсэн дэд сэдвүүдээр асуудлаа хэлэлцэх ба мөн энэ хүрээнд “Залуу бизнес эрхлэгч, манлайлагч залуучуудын уулзалт”, “Зүүн Хойд Азийн залуучуудын уулзалт” гэсэн хоёр томоохон чуулган болохоор болжээ.

Хоёр жилийн өмнөх тус чуулганаас Монгол Улсад  зохион байгуулах эрхийг авсан бөгөөд энэ чуулганаар 4 жилд нэг удаа сонгогддог Удирдлагын бүрэлдэхүүний сонгууль болдог аж.

 М.ЯЛАЛТ