Өмнөд Солонгос улсад суух АНУ-ын элчин сайд Марк Липпертийн биед халдсан эрэгтэй Пхеньянд олон удаа зорчсон болохыг Сөүлийн албаныхан тодруулжээ. АНУ-ын элчин сайдын биед халдаж гэмтэл учруулсан Ким Ки-Жон гэгч нь 1999-2007 оны хооронд долоон удаа Хойд Солонгост очсон аж.

Ким Ки-Жон нь АНУ-ын элчин сайд Марк Липпертийг сахлын хутгаар нүүр болон гарыг нь зүсч гэмтээсэн юм.  АНУ-ын элчин сайд Марк Липперт өчигдөр өглөө /III.5/ Сөүлийн эмнэлэгт хүргэгдсэнээр нүүрэндээ 80 оёо тавиулсан бөгөөд биеийн байдал нь сайн байгаа гэнэ.

Ким Ки-Жон нь Вашингтон, Сөүлийн хамтарсан цэргийн сургуулилтыг эсэргүүцэн “Өмнөд болон Хойд Солонгос улс нэгдэх ёстой” хэмээн хашгирч байсан тухай эх сурвалжууд мэдээлсэн.

Б.АНХТУЯА

Эх сурвалж: Reuters