Зураач С.Мөнхбаатарын "Watercolour" нэртэй уран бүтээлийн үзэсгэлэнгийн нээлт өнөөдөр боллоо. “Watercolour” үзэсгэлэнд дан усан будгийн нийт 30 гаруй бүтээл тавигдсан байна. Үзэсгэлэнгийн зургуудын ихэнх нь хөрөг зураг ба энэ нь зураач 2014 онд болсон "Миний найзын хөрөг" уралдаанд түрүүлж энэхүү үзэсгэлэнгээ гаргах эрх хожсонтой холбоотой аж.

Зураач С.Мөнхбаатар нь Улаанбаатар их сургуулийн уран зургийн багш бөгөөд энэ үзэсгэлэн нь түүний хоёр дахь бие даасан үзэсгэлэн нь юм байна. "Watercolour" уран бүтээлийн үзэсгэлэн гуравдугаар сарын 9-ныг дуустал Монголын уран зургийн галерейд үзэгчдийн хүртээл болно.

Б.СОНИН