Малчид, тээвэрчид, ард иргэдэд хандаж, өнөөдөр нутгийн зүүн зүгийн нутгийн зарим газраар бага зэргийг цас орж, цасан шуурга шуурч, хүйтрэхийг Ус цаг уурын хүрээлэнгээс анхааруулж байна.

Хоёрдугаар сарын 28-ны өдөр ихэнх нутгаар солигдмол үүлтэй. Зүүн зүгийн нутгийн зүүн хэсгээр бага зэргийн цас орж, явган шуурга шуурна. Бусад нутгаар цас орохгүй.

Харин гуравдугаар сарын 1-нд баруун зүгийн нутгийн ихэнх, төвийн нутгийн зарим газраар, 2-нд ихэнх нутгаар, 3-нд нутгийн зүүн хэсгээр цас орж, хүйтэрнэ. Салхи 1, 2-нд ихэнх нутгаар, 3-нд говь талын нутгаар секундэд түр зуур 16-18 метр хүртэл ширүүсч шороон болон цасан шуурга шуурна.

Ч.БОЛ