Японы автомашин үйлдвэрлэгч “Honda” компанийн Канад дахь салбарын 283 мянга гаруй хэрэглэгчийн хувийн мэдээлэл алдагдсан тухай тус компани мэдэгджээ. “Honda Канад” компанийн мэдээлснээр уг алдагдсан мэдээлэлд хэрэглэгчийн нэр, хаяг, эзэмшдэг автомашинынх нь хөдөлгүүрийн дугаар, банкны дансны дугаар зэрэг багтсан аж.

Компани эдгээр мэдээллийг хэрэглэгчийн цахим шуудангаар бүртгүүлсэн мэдээллийн дагуу 2009 онд myHonda, myAcura гэсэн вэбсайтууд дээр үүсгэсэн юм байна. Энэ үйл явдалтай холбоотойгоор компанийн зүгээс ямар арга хэмжээ авч буй тухайгаа мэдээлэл өгөөгүй бөгөөд энэ сарын 16-наас эхлэн нээлттэй утас ажиллуулж, хэрэглэгчдийн гомдол хүсэлтийг хүлээн авч, нэмэлт мэдээллээр ханган ажиллаж буй тухайгаа дурьджээ.