“HD Production”-ны дэл­гэцийн бүтээл болох “Ээжээ” уран сайхны кино Улаанбаа­тар, Дархан хотын “Соёмбо” кино театр, Өмнөговь аймгийн “Галакси” кино театр, Багануур дүүрэгт 5 сарын 25-нд зэрэг нээлтээ хийлээ. Харин ирэх сарын тав­наас “Тэнгис”, “Өргөө” кино теат­рууд болон бусад аймгуудаар гарч эхлэх ажээ.
Уг киног Хятадын алдарт зо­хиолч Лью Жен Чианы “Ээжээ, намайг дахиад нэг хайрлаач” зо­хиолоос сэдэвлэн бүтээсэн бөгөөд уг зохиол нь Ази тивд нэлээд нэрд гарсан аж.
“HD Production” нь энэхүү зо­хиолыг Монголын өнөөгийн ний­гэмтэй харьцуулж уран сайх­ны кино болгосноо үзэгчдэд толилуу­лах гэж буй нь энэ. “Ээ­жээ” кинонд эх үрийн нандин холбоо, хагацлын гашуун зовлон, өнөөгийн нийгмийн, баян хоосны ялгаа, эд хөрөнгө, өнгө мөнгөнөөс илүүтэй. Эх үрийн хайр, эх хүний тэсвэр тэвчээр, өөрт тохиолдох хүнд, хэцүү бүхнийг ухаалаг шийдвэрээр хэрхэн даван туулж буйг харуулсан төдийгүй, хүний амьдралд үр удмаас өөр, илүү үнэт эрдэнэ байхгүй болохыг харуулжээ. “Ээжээ” киноны гол дүрд МУГЖ Ж.Сүххуяг, жүжигчин М.Анхбаяр, М.Баяржаргал, А.Бадрал, Л.Сэлэнгэ нар тогложээ.