Эх үрсийн баярыг тохиолдуулан 5 сарын 28-нд буюу өнгөрсөн бямба гаригт ХасБанкны хамт олон Ерөнхий сайд Амарын гудамжинд “Багачуудын хотхон – Хасхүүгийн Баяр”-ыг зохион байгууллаа. Бүтэн өдрийн турш үргэлжилсэн уг арга хэмжээний үеэр хүүхэд багачууд Хасхүү болон түүний найзууд болох Бонго, Можух, Динза, Унагалдай, Лоолойгийн найзуудын хамт нэгэн өдрийг дуу бүжиг, инээд баяраар дүүрэн өнгөрөөсөн юм. Тав дахь жилдээ зохион байгуулж буй  “Багачуудын хотхон – Хасхүүгийн баяр”-ын үеэр олон мянган хүүхэд гэр бүлийнхээ хамт Авъяастан Өртөө, Эрдмийн өртөө, Амттаны өртөө, Гэр бүлийн өртөө, Зураачийн өртөө, Хөгжилтэй спорт өртөө, Тоглоомын өртөө, Хасхүүгийн өртөө, Эрүүл мэндийн өртөө зэрэг 10 гаруй хөгжилтэй, урамшуулалтай өртөөгөөр аялан наадаж, үлгэрийн далай шиг их баяр наадамд хөл уралдуулан оролцсон  юм. Мөн баярт хүрэлцэн ирсэн бяцхан жаалуудад Лоолойгийн найзууд, Хүүхэлдэйн театрын хамт олон болон Дуучин Ану, “Бид Монгол Хүүхдүүд”, “Hey Hey” хүүхдийн нэвтрүүлгийн ах эгч нар нь нэг өдрийн турш дуу бүжиг, хөгжөөнт тоглоомоор бэлэг барьснаас гадна тэмцээнд оролцсон олон зуун хүүхдэд Хасхүүгийн гарын бэлгийг гардуулсан юм. Түүнчлэн ХасБанкны Ирээдүйн Саятаны сугалаат урамшуулалд 1500 гаруй хүүхэд оролцож, 30 хүүхэд Ирээдүйн Саятан хадгаламжийн эрхийн бичгийг гардан авав. Ийнхүү ХасБанк хүүхэд багачууд, эцэг эхчүүдэд Эх үрсийн баярын мэндийг өөд өөд нь өргөн дэвшүүлж, гэрэл гэгээ, инээд баяслаар дүүрэн амьдралыг тэдэнд хүсэн ерөөж байна.