Өнөө шөнө Английн аварга “Манчестер Сити” клуб талбай дээрээ Испанийн алдарт “Барселона” клубыг хүлээж авч, Аваргуудын лигийн шөвгийн 16-гийн эхний тоглолтоо хийх учиртай. Энэ тоглолтын өмнө “Сити”-гийн хамгаалагч Забалета өөрийн үзэл бодлоо хуваалцжээ.

Тэрбээр “Магадгүй “Барселона” дэлхийн хамгийн шилдэг довтолгоотой нь байх.  Бид бие бялдраас авахуулаад бүх зүйлд бэлэн байх ёстой.  Суарес, Месси, Неймар гуравт боломж бий болгох чадвар хангалттай бий. Эдгээр довтлогчдыг хамгаалж, ямар ч боломж олгохгүй байх нь чухал байна.  Тэд бол дэлхийн шилдэг довтлогчид. Мөн “Барса”-гийн довтолгоо олон багийн атаархлыг төрүүлдэг. 

Гэхдээ манай багийн форм сайн байгаагаас гадна бүх тоглогчид маань энэ тоглолтод оролцоход бэлэн байгаа. Энэ бол дэлхийн шилдэг багуудын нэг “Барса”-тай тоглохын өмнө хамгийн сайн зүйл. Аль аль багийн хувьд хурдтай довтолгоо өрнүүлэх гэж хичээнэ. Ерөнхийдөө нээлттэй тоглолт болно гэж бодож байна” хэмээн ярьжээ.

Эх сурвалж: www.mminfo.mn