Гар утасны зах зээлд хувьсгал хийсэн “Apple” компани “iPhone” загварын үргэлжлэл, зургаа дахь шинэ хувилбарын төслийг эхлүүлсэн тухай “Bloomberg” мэдээлэв.
Олон давуу талыг өөртөө агуулсан iPhone 5 энэ оны аравдугаар сард худалдаанд гарах нь тодорхой болоод байгаа юм. iPhone 5 хувилбараа зах зээлд гаргаагүй байгаа хэрнээ дараагийн хувилбар болох iPhone 6 төслийг эхлүүлсэн нь олон хүний анхаарлыг татаад байна.

iPhone-6-гийн үйлдвэрлэл есдүгээр сараас эхлэх бөгөөд 2012 оны зургадугаар сараас худалдаанд гаргахаар төлөвлөжээ. Уг загварын үйлдвэрлэлд 1.6 тэрбум доллар төсөвлөсөн бөгөөд байгальд ээлтэй түүхий эд ашиглаж байгаагаа тэд дуулгав.

Түүнчлэн LCD дэлгэцтэй, анхны 4G технологи ашигласан гар утас бүтээж байгаа нь онцлог аж.