Шуурхай удирдлагын төвийг  бөмбөгдсөн гэж НАТО мэдэгдлээ. Уг төвд Ливийн лидер Каддафи заримдаа ирж амьдардаг байсан гэнэ. Харин энэ удаа уг төвд тэрээр байсан эсэхийг мэдэх аргагүй гэж Associated Press мэдээлжээ. Триполи хотын Баб аль-Азизия районыг бямба гаригийн шөнийн хүчтэй бөмбөгдөлтөд өртөв.

Эвслийн нисэх хүчин  ховорхон хийдэг өдрийн агаарын цохилтыг Триполид хийсэн тухай өмнө нь мэдээлсэн байсан юм. Оросын ерөнхийлөгч Дмитрий Медведев Ливийн босогчид ба Каддафийн дэглэмтэй хэлэлцээр хийх төлөөлөгчөө илгээсний дараа НАТО-гийн нисэх хүчин Триполи хотод шинэ цохилт өгчээ.