Египетийн шүүх  тус орны ерөнхийлөгч асан Хосни Мубарак болон бусад өндөр тушаалын хүмүүсийг ард түмний хөдөлгөөний үеэр Египетийн утасгүй холбоо, интернэтийг хаасан гэж 540 сая египетийн фунтаар торгохоор болжээ.

Мубаракийг өөрийг нь 200 сая фунтаар, ерөнхий сайд асан Ахмед Насиф 40 сая фунтаар тус тус торгохоор болсон байлаа. Хамгийн их хэмжээний 300 саяын торгуулийг Египетийн Дотоод хэргийн тэргүүн асан Хабиб аль-Адлид ногдуулжээ. Тус орны эдийн засагт учруулсан хохирлынх нь төлөө ийм хэмжээний торгуулийг ноогдуулсан гэнэ.