АНУ-ын Лос Анжелос хотноо хоёрдугаар сарын 15-нд Дэлхийн кино урлагийн салбарын томоохон наадмуудын нэг болох Америкийн кино зураглаачдын холбооны шилдгүүдийг тодруулах наадам “Hyatt regency, century plaza” зочид буудалд болж өнгөрсөн билээ.

Уг наадмын үеэр Монгол уран бүтээлчид дэлхийн оддын дунд ёстой л од боллоо. Учир нь Монгол уран бүтээлчдийн гоёлын дээл ирсэн хүндэт зочдын гоёлоос онцгойрч, манай уран бүтээлчдийг харсан хүн бүр хамт зураг авахуулах гэж  дугаарлав.

Наадамд Соёлын тэргүүний ажилтан, зургийн найруулагч Д.Ангараг, Э.Сант-Амар, Д.Номин, Ч.Шинэбаяр, Ч.Даваасүрэн, Х.Жигжидсүрэн, Э.Тэмлүүн, Л.Нямжаргал нар эх орноо төлөөлөн ивээн тэтгэгч, хүндэт зочноор оролцсон юм.

Зургийн найруулагч Д.Ангарагийн гоёлын хувьд Хүннү энгэртэй, хар цагаан өнгийн, мөнгөн тоногтой гоёлын дээлтэй оролцжээ.

Э.ТЭКҮ