Үндэсний бүтээн байгуулалтын дээд шагнал Төрийн гэрэгэ гардуулах ёслол өнөөдөр 14.00 цагаас Есөн хөлт цагаан тугт танхимд болох аж. Энэхүү шагналд морь жилийн шилдэг арван бүтээн байгуулалт шалгарсан байна. “Төрийн гэрэгэ” шагнал хүртэх бүтээн байгуулалтад, Улаанбаатар хотын ундны усыг нэмэгдүүлэх "Гачуурт эх үүсвэр" төсөл, Оюутолгой бүтээн байгуулалт, Дулааны 4 дүгээр цахилгаан станцын суурилагдсан хүчин чадлыг 123 МВт-аар өргөтгөх төсөл, НВЦ ХХК-ийн "Баян шувуу" төсөл, Эрдэнэт үйлдвэр ХХК-ийн үйлдвэрлэл, АПУ ХК-ийн Сүүний үйлдвэр, "Хөтөлийн цемент шохой" ХХК-ийн үйлдвэрлэл, "Энержи ресурс" ХХК-ийн үйлдвэрлэл, “Гацуурт” ХХК-ийн газар тариалан, мал аж ахуйн салбарт хийж буй техник, технологийн шинэчлэл багтаж байгаа юм байна.

Дээрх арван бүтээн байгуулалтаас гуравт нь Төрийн гэрэгэг Монгол Улсын Ерөнхийлөгч Ц.Элбэгдорж гардуулах юм. 

О.САР