Үзэсгэлэнт япон бүсгүй Чио Чио Сан буюу эрвээхэй хатагтайг Гавьяат жүжигчин С.Мөнгөнцэцэг өчигдөр Улсын дуурь бүжгийн эрдмийн театрын тайзнаа амилууллаа. Энэ өдөр С.Мөнгөнцэцэгийн охиных нь  төрсөн өдөр байсан төдийгүй, өөрийн охинтойгоо хамт “Чио Чио Сан” дуурьд тоглолоо. Хоёр бүлэг, гурван үзэгдэл бүхий “Чио Чио Сан” дуурийг Улсын дуурь бүжгийн эрдмийн театрын уран бүтээлчид анх 1967 онд тоглож байсан.

Өчигдөр тоглосон “Чио Чио Сан” дуурийн симфони найрал хөгжмийг урлагийн гавьяат зүтгэлтэн, удирдаач Н.Туулайхүү удирдаж, Пинкертон-д Г.Шижижрболд,  Сузукид Р.Доржхорол, Шарплест М.Болд, Бонзад Э.Бумхүү, Комиссарт Б.Алтанхуяг нар тоглолоо.