НБА-гийн талбайд өнөөдөр ганц тоглолт болсон бөгөөд Чикаго Буллз талбай дээрээ Клевлэнд Кавалерс багтай тоглолоо.

Тоглолтын эхний үеэс тэргүүлэлийг авсан Бухнууд тоглолтын төгсгөл хүртэл тэргүүлэлээ алдалгүй явсаар 98-113 харьцаагаар ялалт байгуулсан байна. Тус тоглолтод Дэррик Рөүз 30 оноо, 7 оновчтой дамжуулалтыг үзүүлж багаа тэргүүлсэн бол  Тони Шэйл 22 оноо, Жоахим Ноа 10 оноо, 15 самбараас бөмбөг авч, 7 оновчтой дамжуулалт, Пау Газол 18 оноо, 10 самбараас бөмбөг авч, 6 оновчтой дамжуулалтаар тусалжээ.

Харин эсрэг багаас Леброн Жеймс 31 оноог авсан бол Мозков 13 оноо, 11 самбараас бөмбөг авч, Кари Ирвинг 17 оноогоор тусалсан ч хожиж чадсангүй.