Газар нутгийнхаа төлөөх тэмцлийг эхлүүлсэн Өвөрмонголын Баруун Үзэмчин сумын иргэн, малчин Мэргэн гэх залууг санаатай дайрч амь насыг нь хөнөөсөн хэрэгтний хэргийг хэрэгсэхгүй болгосон хууль бус явдлыг Монгол Улсад ажиллаж амьдарч буй Өвөрмонголчууд, үндэсний үзэлтэй Хөх монгол, Даяар монгол, Цагаан хас  зэрэг  бүлхэмийн гишүүд  эсэргүүцэж яг одоо БНХАУ-ын Элчин сайдын яамны гадаа жагсч байна. Учир нь тэмцлийг дарж, хууль бус үйл ажиллагааг өөгшүүлж байгаа учир Хятадын ЭСЯ-ны гадаа жагсч байгаа аж.

Цаашид монголчууд амьдарч буй бүх улсад энэхүү эсэргүүцлийн жагсаал болно гэж мэдэгдлээ. Түүнчлэн газар нутаг, байгаль дэлхийгээ хамгаалахын төлөөх тэмцэлд нэгдэж буй хүмүүсийг гэмтэж бэртээх, амь насанд нь заналхийлэх байдлаар хандаж байгааг эсэргүүцэж байгаа аж. Одоогоор Өвөрмонголд тэмцлийг нуун дарахын тулд хууль бус ажиллагааг явуулсаар байгааг жагсагчид хэлж байна. Жагсаалын гол зорилго нь монгол хүн бүрийн эрх ашгийг хамгаалахад  оршиж байгаа гэсэн юм. Тэд өнөөдөр БНХАУ-ын Элчин сайдын яамыг тойрон сануулах жагсаалаа үргэлжлүүлж байна.