Гадаад харилцааг эдийн засагжуулах хөтөлбөрийн хүрээнд Гадаад харилцааны яам, Улаанбаатар хотын захиргааны хооронд 2010-2012 онд хамтран ажиллах тухай Санамж бичигт талууд өчигдөр гарын үсэг зурлаа. Тодруулбал, Гадаад харилцааны сайд Г.Занданшатар, Нийслэлийн засаг дарга бөгөөд Улаанбаатар хотын захирагч Г.Мөнхбаяр нар гарын үсэг зурсан юм.
Талууд энэхүү Санамж бичгийн хүрээнд Гадаад харилцааны яамны барилгын өргөтгөлд зориулж газар олгох, гадаад улсаас манай улсад суугаа дипломат төлөөлөгчийн газруудыг байршуулах нэгдсэн хотхон байгуулах, Улаанбаатар хотын гадаад харилцаа, хамтын ажиллагаагаа өргөжүүлэн хөгжүүлэхэд Гадаад харилцааны яамнаас туслалцаа, дэмжлэг үзүүлэх зэрэг асуудлыг тохиролцсон байна.

Г.Дарь