Говь-Алтайчууд Засаг даргынхаа зураг­тай цэвэр усыг ундны хэрэгцээндээ хэрэг­лэж эхэл­жээ. Тус аймгийн Засаг ноён О.Ам­га­ланбаатар “Эрүүл Ус” төслийн нээлтээ хийж, иргэдээ эрүүлжүүлж, эрүүл мэндэд нь анхаараад байгаа ажээ. Тодруулбал, тус аймагт “Эрүүл ус” төсөл хэрэгжиж, үүнийг далимдуулан О.Амгаланбаатар өөрийнхөө сурталчилгааг хийж буй нь энэ аж.

Үүнийг сонгуулийн сурталчилгаагаа хийж эхэлж гэх нэгэн байхад ихэнх нь шүүмжлэлтэй хандаж буй гэнэ. Учир нь 500 төгрөгөөр зарагдаж байгаа усны саван дээр тавих зураг олдохгүй байгаа мэт хүний зураг тавьсан нь ихээхэн шүүмжлэлд өртжээ. Харин үүний оронд орон нутгийн түү­хийн дурсгалт, байгалийн үзэсгэлэнт газруудын зур­гийг хэвлүүлэхгүй хэмээн зарим иргэд бу­химджээ.

Мөн орон нутгийн хөгжлийн сангийн мөнгөөр өөрийнхөө сурталчилгааг хийж байгаа нь нутгийн ардын дургүйг хүргэсэн бололтой. Ямартай ч алтайчууд цэвэр усаа уух бүртээ Засаг ноёныхоо “патер”-ыг харах болж байгаа ажээ.

Эх сурвалж: www.mminfo.mn