МҮОНРТ ээлжит олон ангит киногоо энэ сарын 2-ноос үзэгчдэдээ толилуулж эхэлсэн билээ. Төгсөө, Билгээ, Болдоо, Ганаа, Золоо гэх таван найзын хөгтэй, хөгжилтэй амьдралыг харуулсан “Амьдралд тавтай морил” олон ангит уран сайхны киноны найруулагчаар Д.Баярсайхан, продюсер Г.Мөнхжаргал, ерөнхий зураглаач Э.Нэргүй, зураач Н.Болор-Эрдэнэ,зохиолчоор Ц.Наранханд нар ажиллажээ. Тус киноны гол дүрд Улсын драмын эрдмийн театрын жүжигчин Г.Эрхэмбаяр, жүжигчин Э.Ууганбаяр, Ө.Мөнх-Эрдэнэ, Х.Манлайбаатар, СУИС-ын гуравдугаар дамжааны оюутан О.Дөлгөөн нар тогложээ. Амьдрал тооцоо, төлөвлөгөөн дээр тогтдог хэмээн үздэг байсан Төгсөө анхны харцаар хайр дурлалтай учирдаг. Бүтэлгүй найздаа туслах гэж арга хайж буй дөрвөн найз нь энэ удаад Төгсөөгийн хүсээд байгаа солонгос киног амьдрал дээр харуулахаар болно. Та өнөөдөр 22.45 цагт МҮОНРТ-ээр гарах “Амьдралд тавтай морил” киноноос хэрхэн солонгос кино бүтээснийг харж болох нь ээ.

Г.Даша