Байгаль орчин, ногоон хөгжил, аялал жуулчлалын сайдын гаргасан шийдвэрийн дагуу тус яамны болон “Монгол Улс” төрийн өмчит компани, Богд хан уулын дархан цаазат газрын захиргаа, нийслэлийн Байгаль орчны газар, Туул голын сав газрын захиргааны ажилтнууд, Гандантэгчилэн хийдийн дэргэдэх шашны сургуулийн оюутнууд хамтран Маршалын гүүрнээс Баянзүрхийн гүүр хүртэлх Туул голын хогийг цэвэрлэж байна. Мөн түүнчлэн, мод бургасанд уясан хадгийг авч байгаа юм. Дашрамд дуулгахад, өнөөдөр нийслэлийн бүх нийтийн цэвэрлэгээний өдөр бөгөөд албан байгууллага, аж ахуй нэгжүүд ойр орчныхоо хогийг цэвэрлэж байна.

Т.ХӨВСГӨЛ