УИХ-ын гишүүн Д.Дамба-Очир, Д.Одхүү, Д.Хаянхярваа нар Үндсэн хуульд нэмэлт өөрчлөлт оруулах хуулийн төслийг УИХ-ын дарга Д.Дэмбэрэлд өргөн барилаа. Хуулийн төсөлд зааснаар Эрдэнэт, Дархан, Чойр, Бор-Өндөр хотууд Монгол Улсын Үндсэн хуулийн үзэл баримтлалын дагуу бол аймаг сумын статустай байдаг.

Гэвч сүүлийн 17 жилийн хугацаанд  хөгжил шинэчлэлт эрчимтэй явагдаж байгаа учраас Эрдэнэт, Дарханы  хотын статусыг сэргээх нь зүйтэй гэж гишүүд үзсэн байна. Эрдэнэтийн хувьд л гэхэд нийт иргэдийнх нь 76.6 хувь нь Эрдэнэтийг бие даасан улсын зэрэглэлтэй хот гэсэн нэрийг сэргээж, хөгжүүлэх хүсэлтэй байдаг болохоо тойргоосоо сонгогдсон гишүүддээ уламжилжээ.

Синх: Д.Дамба-Очир УИХ-ын гишүүн
Синх: Д.Одхүү УИХ-ын гишүүн

Мөн энэ өдөр Засгийн газраас захиргааны хэрэг хянан шийдвэрлэх тухай хуульд нэмэлт, өөрчлөлт оруулах тухай хуулийн төсөл, ховордсон амьтан ургамал, тэдгээрийн гаралтай эд зүйлийн гадаад худалдааг зохицуулах тухай хуульд нэмэлт өөрчлөлт оруулах тухай болон галт зэвсгийн тухай хуулийн шинэчилсэн найруулгын төслийг УИХ-ын дарга Д.Дэмбэрэлд  өргөн барьсан юм.