Монгол улсын Засгийн газар, Швейцари улсын хөгжлийн агентлагаас Баян-Өлгий аймагт хэрэгжүүлсэн “Нэг цонхны үйлчилгээ” хөтөлбөр биеллээ оллоо. Тус арга хэмжээнд Швейцари улс 35,8 сая төгрөгийн хөрөнгө зарцуулснаар орчин үеийн тоног төхөөрөмжөөр бүрэн хангасан, иргэдэд чухал шаардлагатай нийгмийн салбарын найман төрлийн үйлчилгээг нэгэн зэрэг үзүүлж эхэлсэн байна. Өмнө нь төрийн үйлчилгээ авах гэж багагүй хугацаа алддаг байсан иргэд ийнхүү нэг цэгийн үйлчилгээ авах боломжтой болжээ.