Ирмүүн
хэвлэлийн газраас эрхлэн гаргадаг “Цондоолой, Цүндээлэй хоёр”, “Динза”
комикуудыг хүүхдүүд унших дуртай. Бас “Ирмүүн”-ээс жил бүрийн хүүхдийн
баяраар зохион байгуулдаг театрчилсан шоу тоглолтыг ч үзэх дуртай
байдаг. Учир нь энэ жүжгийн гол дүрүүд нь хүүхдүүдийн хайртай баатар
Динза, Жижигээ, Цондоолой, Цүндээлэй  нар байдаг юм. Тэдэнд жил бүр
хөгжилтэй, элэг хөшөөм адал явдал тохиолддог. Энэ жил ч гэсэн бяцхан
уншигчдын маань хайртай баатруудад сонирхол татсан олон үйл явдал
тохиолдох нь. Тэд хамтдаа хорон санаат эмгэн шулмыг дарна гэж
“Ирмүүн”-ий ах эгч нар нь хэлж байна. Энэ удаагийн театрчилсан тоглолтын
онцлог нь  тайзныхаа ар талыг дижитал хэлбэрээр шийдсэн. Уг шийдэл нь
тоглолтын орчныг илүү амьд болгож өгдөг давуу талтай гэнэ. Гурав дахь
жилдээ  уламжлал болон тайзнаа тавигдаж байгаа уг супер шоу тоглолтыг
Драмын театрын найруулагч Ч.Түвшин найруулж, мэргэжлийн жүжигчид тоглож
байгаа юм байна. Тоглолт үзсэн хүүхэд бүр уут дүүрэн оюунлаг, цэвэрхэн,
амттай бэлэг авна. Динза, Цондоолойгийн буддаг ном, салфетканаас гадна
хүүхдүүдийн дуртай амттанууд бэлгэнд багтжээ. Бас нэг  зүйлийг
сонирхуулж хэлэхэд Америк, Канадын хүүхдүүдийн уух дуртай ундааг ч
“Ирмүүн”-ийнхэн бэлгэндээ багтаажээ. Олон орны хүүхдүүдийн уух дуртай
ундааг Динза, Цондоолойгийн зургаар чимэглэсэн гэнэ. Тоглолтын тасалбар
суудлынхаа байрлалаас шалтгаалж 8500, 10000, 11500 төгрөгийн үнэтэйгээр
зарагдаж байна.   1905-аар үнэгүй хүргүүлэх боломж байгаа юм билээ.
Бяцхан уншигчиддаа сонирхуулж хэлэхэд “Динза”, “Цондоолой, Цүндээлэй
хоёр” комикийн бүх цуврал дахин хэвлэгдэж иржээ.