“Говийн чоно-2015” гамшгийн бэлэн байдлын олон улсын дасгал сургууль ирэх гуравдугаар сарын 24-27-ны өдрүүдэд манай улсад болно. Тэрхүү олон улсын сургуулийг зохион байгуулагчдын уулзалт ОБЕГ-т болжээ. Уулзалтад манай улсын онцгой байдлын албаны төлөөлөгчдөөс гадна АНУ-ын Номхон далайн арми, Аляскийн үндэсний гвардынхан оролцсон байна.

“Говийн чоно-2015” олон улсын дасгал сургуулийг зохион байгуулах гэрээнд Онцгой байдлын ерөнхий газрын дарга, онцгой байдлын хурандаа Т.Бадрал, АНУ-ын Номхон далайн армийн Цэрэг-иргэний үйл ажиллагааны газрын дарга, хурандаа Уиллиам Р.Флогинг, АНУ-аас Монгол Улсад суугаа Элчин сайдын яамны Батлан хамгаалах хамтын ажиллагааны атташегийн газрын дарга, хошууч Адам Негри нар гарын үсэг зурсан байна.

Д.ЦЭЦ