Кино
сонирхогч хүн бүрийн сонирхлыг татаад буй “Кино код” нэвтрүүлэг энэ
бямба,  ням гаригт анхны дугаараа хүргэх гэж байгаа. Уг нэвтрүүлгийг хэн
хөтлөх бол гэж та сонирхож байна уу?

Өөрсдийн
саналаар хүссэн киногоо хамтдаа бүтээх энэхүү цоо шинэ шоуны хөтлөгчөөр
Драмын театрын жүжигчин Б.Отгонбат, жүжигчин Ч.Ундрал, хөтлөгч
Г.Анхбаяр нар ажиллаж байгаа.

“Гэгээн
Муза-2007” наадмын шилдэг залуу жүжигчний шагналт Б.Отгонбатыг
“Тамгагүй төр”, “Нэргүй од”, “Ээжээ” гэх мэт олон гайхалтай жүжгийн
дүрүүдээр нь үзэгчид андахгүй. "Найрамдал" зуслангийн дэд даргын ажлыг
олон жил амжилттай хийж яваа энэ эрхмийг нэр хүндтэй арга хэмжээнүүдийн
тайзан дээр харах нь олонтаа.

Ч.Ундралыг
“Татар ажиллагаа”, “Би чамд хайртай-2” зэрэг кинонд бүтээсэн дүрүүдээс
нь гадна телевизийн хөтлөгч, дуучин гэдгээр нь сайн мэднэ. Мөн Улсын
драмын театрын маркетингийн албаны даргаар ажиллаж байгаа. 

Харин
Г.Анхбаярт бол танилцуулга илүүц биз. Зүгээр л хөтлөгч Анхаа гэхэд л
хангалттай. Түүний хөгжилтэй, сонирхолтой өвөрмөц хөтлөлтүүд, содон
шийдлүүдийг үзэгчид одоо ч үгүйлдэг.  

Хөтлөх
ур чадвар, нэр хүндээрээ дээгүүрт бичигддэг эдгээр гурван хөтлөгч
гурван өөр өнцгөөс нэвтрүүлгийг хөтөлж, таныг хүссэн киногоо бүтээхэд
чинь уйдаахгүй байлгах болно. Мөн нэвтрүүлгийн туршид өөр хэн нэгэн
эрхэм хөтлөгчөөр гарч ирэхийг ч үгүйсгэх аргагүй юм. Бид өөрсдөө
оролцох, бүтээлцэх энэхүү төслийн нүүр царай болох эдгээр хүмүүс үдэш
бүхэн бидэнтэй уулзах болсныг дуулгахад таатай байна.