“Монголын
Үндэсний Боловсрол суваг”  телевиз, “Hero entertainment”  студи,
“Modern nomads”  сүлжээ ресторан хамтран Монголын кино бүтээх  “Кино код”
анхны шоуг зохион байгуулж буй. Уг шоугаар олон нийтийн санал асуулга,
оролцоотойгоор ямар кино бүтээх, хэнээр кино зохиолоо бичүүлэх, киноны
хөгжмийг хэн зохиох, дууг нь хэн дуулах, бүр ямар жүжигчид тоглуулахыг
тодруулан үзэгчид, оролцогчид хамтдаа дуртай киногоо бүтээх юм.

Харин
энэ удаад шоуны талаар хамгийн сүүлийн үеийн сонирхолтой мэдээллийг
хүргэхэд, киноны гол болон туслах дүрийг шалгаруулах бүртгэл эхэллээ. Та
кино урлагт хүчээ сорихыг хүсч байгаа бол нас хүйс, яс үндэс, мэргэжил
харгалзахгүйгээр бүртгүүлэн шалгаруулалтад оролцох бололтой. Өөрөөр
хэлбэл, бүх хүнд жүжигчин болох боломж олгож байна.  Та ердөө л иргэний
үнэмлэх буюу адилтгах баримт бичиг, 3х4 хэмжээтэй цээж зураг, бүртгэлийн
хураамж  болох 5000 төгрөгтэй очиход хангалттай.

Бүртгэл
дөрөвдүгээр сарын 21 буюу маргаашаас тавдугаар сарын 5-ныг хүртэл
Боловсрол суваг телевизийн байранд үргэлжилнэ. Та хүчээ сориод үзээрэй.
Оролцогчдыг мэргэжлийн наруулагчид гурван үе шаттайгаар шалгаруулах
бөгөөд үзэгч та ч дэмжиж буй оролцогчдоо саналаа өгөх боломжтой.

Дашрамд сануулахад, news.mn “Кино код”
шоуны мэдээллийн ивээн тэтгэгчээр ажиллаж байгаа бөгөөд шоутай
холбоотой бүх мэдээ, мэдээллийг code.news.mn сайтаас авах боломжтой.