“Монголын
Үндэсний Боловсрол суваг”  телевиз, “Hero entertainment”  студи,
“Modern nomads”  сүлжээ ресторан хамтран Монголын анхны кино бүтээх шоу
“Кино код”  нэвтрүүлгийг үзэгчдийн хүртээл болгох гэж байна.

Ертөнц
дээр бүтээгдсэн сая сая кинонууд хоорондоо харилцан адилгүй,  түүнийг
үзэх үзэгчидийн үзэл бодол ч ялгаатай. Тиймээс ч бид хүсэл сонирхолдоо
нийцүүлэн нэгэнт бий болсон уран сайхны кинонуудаас сонгон үздэг.  Харин
үзэгчид  өөртөө зориулж шинэ кино бүтээгээд үзэж байсан удаа бий юу. Яг
энэ асуулт нэг жилийн өмнө манай хойд хөршид хүчээ авлаа. Үүний хариуд 
та бидний сайн мэдэх 1977 оны  ЗХУ-ын “Ийм нэгэн явдал” киног ОХУ-д
2010 онд “Ийм нэгэн явдал. Өнөө цагт” нэртэйгээр дахин бүтээсэн. Тухайн
киног тв шоугаар оросын ард түмэн өөрсдөө сонгож, гол дүрийн жүжигчид
болон уран бүтээлчдийг мөн үзэгчдийн саналаар тодруулж цоо шинэ киног
дэлгэцэнд амилуулсан нь нүдээ олсон хэрэг байлаа. Үүний нэгэн адилаар
Монголчууд бид ч ард түмний гэх тодотголтой уран сайхны киног бий болгох
саналыг үзэгч танд дэвшүүлж байна. . Магадгүй  “Тунгалаг тамир”,
“Түмний нэг”, “Хөхөө гэрлэх дөхлөө”, “Анхны алхам” ч юм уу эсвэл “Татаар
ажиллагаа”,  “Миний хөрш чөтгөр” гэх мэт киноны үргэлжлэлийг үзэхийг
хүсч байж ч болох юм. Тэгвэл чухам ямар киноны үргэлжлэлийг ямар төрөл
жанраар өрнүүлэн бүтээхийг та өөрөө сонгох болно.  “Кино код” 
нэвтрүүлэг энэ бүхний хөтөч байх болно.

Аливаа
шинэ киног бүтээхэд уран бүтээлчдийн өмнө тулгардаг олон асуудал
байдаг. Тухайн киног  ямар төрөл жанрт хамааруулах , сэдэвээ хэрхэн
сонгох, зохиолч жүжигчин нь хэн байх,  дууг нь ямар хүнээр дуулуулвал
үзэгчидэд илүү сонирхолтой бол гээд  дурьдаж болно.  Энэхүү бүхий л үйл
явцтай “Кино код”  нэвтрүүлгээр дамжуулан  танилцаж,  мөн уран
бүтээлчдийн үүрэгт ажилд туслалцаа үзүүлээрэй.

Хүсэл
мөрөөдлөө, авъяас чадвараа дэлгэцэнд мөнхлөн улмаар  их урлагт хөл
тавин амжилт гаргах хүсэлтэй бүхий л хүмүүст энэхүү нэвтрүүлэг боломж
олгоно. Магадгүй “Кино код” төслийн хамгийн сонирхолтой бөгөөд хамгийн
их оролцогчтой хэсэг болох байх. “Оддын эрэлд”, “Universe Best Songs”
гээд дуучин болохыг хүссэн залуучуудад зориулсан реалити шоу олон бий.
Тэгвэл энэ удаад “Кино код” кино урлагт хүч сорих гэж байгаа залууст
боломж олгоно. Мэргэжлийнхний хэллэгээр проб буюу жүжигчин сонгон
шалгаруулах явцыг та реалити шоунаас харж саналаа өгнө.  Түүнээс гадна
мэргэжлийн жүжигчдээс та хэнийг өөрийн сонгосон кинондоо тоглуулах
сонирхолтой байгаа сонголтоо хийнэ.

Сонголт
үүгээр дуусахгүй, та өөрийнхөө бүтээж буй киноны хөгжмийг хэнээр
зохиолгох, дууг нь хэн дуулахыг хүсч буйгаа бас сонгоно. Энэ бүх
сонголтыг хийх явц, киноны зураг авалт зэргийг Боловсрол суваг
телевизээр явуулах реалити шоу тасралтгүй танд мэдээлнэ.       

Ингээд
кино урлагт хайртай дуртай, магадгүй хамгийн ардчилсан урлагт хүч үзэх
гэж хүсч байгаа бүхнийг “Кино код”-д нэгдэхийг урьж байна. Дашрамд
сануулахад “Кино код”-ын эхний шатны нэвтрүүлэг 04 сарын 23-наас
“Боловсрол суваг” телевизээр гарч эхлэх ба бяцхан нууц задлахад тус
нэвтрүүлгийн хөтлөгчөөр жүжигчин СТА Б.Отгонбат, СТА Ч.Ундрал, Г.Анхбаяр
нар ажиллах юм байна.

Кино
код нэвтрүүлэгт та үзэгчийн үүргийг гүйцэтгээд зогсохгүй уран
бүтээлчийн өнцгөөс хандаж ард түмний гэх тодотголтой ахны кинонд өөрийн
бодит хувь нэмрийг оруулаарай. Нэвтрүүлгийн нэгэн эд эс, хамгийн чухал
зөвлөгч,  үнэтэй санааг хэлэгч нь та байх болно.

Урлагт хайртай хүмүүсийн сонголтоор удахгүй шинэ түүх бичигдэнэ.