Та 2016 онд тэтгэлэгт хөтөлбөрүүдэд хамрагдмаар байна уу? JET SCHOOL OF ENGLISH сургалтын төв нь та бүхэнд 2016 онд зарлагдсан нийт тэтгэлэгт хөтөлбөрүүдийн хамгийн сүүлийн үеийн мэдээллийн жагсаалтыг гаргасан байна. Энэхүү жагсаалтад гадны ба дотоодын, сургалтын бүтэн ба хагас тэтгэлэг, байгууллагаас болон их сургуулиас зарласан гээд бүгдийг нь хамарсан байна. Боломжийг шүүрээд ав, материал хүлээж авах хугацааг бүү хүлээ, одооноос эхлэ.

1. World Citizen Talent Scholarships, 2016

Нидерланд улсын Hague их сургуулиас гаргасан энэхүү тэтгэлэгт хөтөлбөрт 2015 оноос 2016 оны хооронд академик сургалтанд хамрагдсан хэн бүхэнд нээлттэй. Харин Исланд, Лихтэнштэйн, Швейцарь, Суринам болон Европын холбоонд хамрагдсан улс орнуудын иргэд оролцох боломжгүй. Монголчуудын өмнө энэ үүд хаалга нээлттэй. Нийт 54 хүнийг тус бүр 5000 еврогоор санхүүжүүлэх бөгөөд өргөдлийг 2015 оны 3-р сарын 31 хүртэл хүлээж авна.

2. Neonatal- Perinatal Fellowship Training Program, 2016

Division of Neonatalogy байгууллагаас Нярайн болон төрөхийн өмнөх сургалтын 2 жилийн хөтөлбөрийг зарласан. Канадын болон бусад улс орнуудын эрүүл мэндийн чиглэлээр суралцдаг хэн бүхний өмнө нээлттэй тус хөтөлбөр 2015 оны 3-р сарын 31-нээс өмнө өргөдлийг хүлээж авна.

3. Bocconi Need-based Scholarships in Italy, 2016

Бокконигийн хэрэгцээн дээр тулгуурласан тэтгэлэгт хөтөлбөр нь Итали хэл дээр ярьдаггүй гадны аль ч улсын оюутан сурагчдын өмнө нээлттэй. 2015-2016 оны хооронд Шинжлэх ухааны салбарынхны, тэр тусмаа хуулийн ангийн бакалаврын зэрэг, магистрын зэрэг горилогчдод зориулсан хөтөлбөр юм. Бакалаврын сургалтын хувьд хамгийн ихдээ 3 жил, хуулийн ангийнхан 5 жилийн хугацаанд тэтгэлэг авах  боломжтой бөгөөд нэг жилд 11000 еврог олгодог. Харин магистрийн хөтөлбөрт хамгийн ихдээ 2 жилийн хугацаатай тэтгэлэг олгодог бөгөөд нэг жилийн тэтгэлэгийн хэмжээ мөнгө дүнгээр 12000 евротой тэнцэнэ. Материалыг хүлээж авах хугацаа: өвлийнх 2015 оны 6-р сарын 1-нд, хаврынх 2015 оны 7-р сарын 1-нд дуусна.

4. Fulbright scholar program, 2016

Уг хөтөлбөрт хамрагдах сонирхолтой судлаач оюутнуудыг Улаанбаатар дахь АНУ-ын ЭСЯ-ны Олон нийттэй харилцах хэлтэс шалгаруулах бөгөөд өргөдөл гаргагчдыг сонгохдоо Америк, Монгол хоёр орны харилцан итгэлцэлийг бэхжүүлэхэд тэдний хийх судалгааны ач холбогдол, Америкийн сургалтын орчинд амжилттай сурах бололцоо зэргийг харгалзан үнэлнэ. Тэтгэлэгт хамрагдах хүний тоо жил бүрийн төсвийн боломжоос шалтгаалан харилцан адилгүй байдаг.  Өнгөрсөн жилүүдэд бидний тэтгэлэг олгосон оюутны тоо жилд дунджаар 3-6 байлаа. Фулбрайтын гадаад оюутны хөтөлбөрийг өдөр тутмын томоохон сонин болох Өнөөдөр, Өдөрийн сонин зэрэгт жил бүрийн 2 сард зарладаг. Уг хөтөлбөр нь нийгмийн болон хүмүүнлэгийн ухааны дийлэнх салбарыг хамарна.

Өрсөлдөх хүмүүс дараах үндсэн шалгууруудыг хангасан байна: Монгол улсад одоо оршин суугаа Монгол улсын иргэн,  их дээд сургуулийн анхан шатны зэрэгтэй (бакалавр болон түүнтэй дүйцэх), англи хэлний өндөр түвшний мэдлэгтэй, хамгийн багадаа IBT (TOEFL)-ын оноо 80, албан бус TOEFL-ын оноо 550 байх, Фулбрайтын сонгон шалгаруулах комисийн ярилцлагад ирэх боломжтой байх,

5. UGRAD – Баклавр Оюутнуудад Зориулсан Солилцооны Хөтөлбөр

Глобал UGRAD хөтөлбөр нь нэг семестер, нэг хичээлийн жилийн хугацаатайгаар АНУ-ын 2 ба 4 жилийн тогтолцоотой магадлан итгэмжлэгдсэн их сургуульд суралцах боломж олгодог тэтгэлэгт хөтөлбөр юм.

Хөтөлбөрт хамрагдагсдад тавигдах үндсэн шалгууруудад: Монголын их дээд сургуулийн хоёр, гуравдугаар курсийн оюутан, голч оноо 3.00 –с доошгүй (сургуулийн дүнгийн хуулгаа хавсаргах), IBT-ийн хүчинтэй 61 оноо, албан бус TOEFL-ийн 520 оноо, тодорхойлох захидал 2 ширхэг, өргөдөл гаргах үеийн нас 24 ба түүнээс доош байх зэрэг болно.

Жил бүрийн 9-р сард өргөдлийг хүлээж аван, 10-11-р саруудад ярилцлагад хамрагдана.

6. Монгол улсын ерөнхийлөгчийн нэрэмжит тэтгэлэг.

Монгол улсын ерөнхийлөгчийн болон ерөнхий сайдын нэрэмжит тэтгэлэгт материал хүлээн авч байна. Монгол улсын ерөнхийлөгчийн болон ерөнхий сайдын нэрэмжит тэтгэлэгт хамрагдах хүсэлтэй сурлага, спорт, урлагийн онцгой амжилт гаргасан оюутнууд бүрэлдэхүүн сургуулиараа дамжуулан хамрагдах боломжтой. Монгол Улсын Ерөнхийлөгчийн нэрэмжит тэтгэлэг нь Ерөнхийлөгчийн гарын үсэг бүхий өргөмжлөл, 1 000 000 төгрөг олгогддог. Монгол Улсын Ерөнхий Сайдын нэрэмжит тэтгэлэг нь Ерөнхий Сайдын гарын үсэг бүхий өргөмжлөл, 800 000 төгрөг олгогддог.

7. Төрийн зардлаар дэлхийн шилдэг 100 их дээд сургуульд тэтгэлэгтэй суралцах.

Монгол Улсын Ерөнхийлөгч Ц.Элбэгдорж дэлхийн шилдэг их сургуульд суралцах оюутан залуучуудыг дэмжих зорилгоор Засгийн газарт чиглэл өгсөн 78 дугаар зарлиг гаргасан билээ. Тэгвэл Засгийн газрын тэтгэлгээр сургах 100 сургуулийн нэрсийг зарласан. Дэлхийн шилдэг их сургуулийн зэрэглэлийн эхний 20-д багтсан сургуульд суралцагчид хүсэлтийг нь үндэслэн суралцаж буй мэргэжлийн чиглэлийг харгалзахгүйгээр санхүүжилт олгохоор заасан. Харин дараагийн зэрэглэлийн буюу 21-100-д багтсан сургуульд суралцахаар болбол Монгол Улсын Засгийн газраас зарласан мэргэжлийн чиглэлийг харгалзан санхүүжилт олгохоор заасан.

ДЭЛХИЙН ШИЛДЭГ ИХ ДЭЭД СУРГУУЛЬ, 2014/2015

АЗИЙН ШИЛДЭГ ИХ ДЭЭД СУРГУУЛЬ, 2014/2015