АНУ-ын Калифорнийн их сур­гуу­лийн хэсэг судлаачид “Crowdsourcing the Unknown: The Satellite Search for Genghis Khan” су­далгааны материалаа PLOS ONE платформ дээр нийтэлжээ. PLOS ONE нь нээлттэй, гишүүд нь онлайн хамтран ажилладаг,  нийтлэлийн платформ юм.

Энэ төслийн зорилго нь хэт өндөр нарийвчлалтай хиймэл дагуулын зураг ашиглан Чингис хааны шарилыг эрэх юм байна. Гэхдээ энэ виртуал эрэл хайгуулыг олон мянган сайн дурынхны орол­цоотойгоор гүйцэтгэж байгаа аж. Чингис хааны шарилыг эрэх нь өөрөө түүхийн нууцыг тайлах со­нирхолтой сэдэв болж байгаа тул сайн дурынхныг татахад ч хялбар  байгаа гэв.

Төслийн танилцуулгад дурьдсанаар 10 мян­­га  орчим онлайн сайн ду­рын­­хан 6000 км2 талбайд нийт­­дээ 30 мянган  цагийн эр­лийг явуулж зураг дээр 2.3 сая объек­тийг тэмдэглэжээ. Ин­гэж тэм­дэглэсэн мэдээллийг суд­лаачид бо­ловсруулан гүнзгий­рүүлж ана­лиз хийх юм байна.

Эх сурвалж: www.mminfo.mn