Хошой Чин Ван Гадинбалын Чагдаржавын намтар, үйл ажиллагааг таниулахад зориулсан “ТҮШЭЭТ ЗАСАГ, ХОШОЙ ЧИН ВАН ГАДИНБАЛЫН ЧАГДАРЖАВ” баримт бичгийн эмхэтгэл хоёр боть номын нээлт өнөөдөр Төв номын санд болно.

Уг номыг Архивын ерөнхий газар, “Чагдаржав сан”-аас хамтран эрхлэн гаргажээ. Нээлтэнд урилгаар Төр нийгмийн зүтгэлтэн, эрдэмтэн судлаачид оролцох бөгөөд хүрэлцэн ирсэн хүн бүрт номын дээжийг гардуулах гэнэ. Мөн Үндэсний номын сангийн Үнэт ховор номын музей нээлтэнд ирсэн хүмүүст хаалгаа нээх юм байна.

Түшээт Засаг, Хошой Чин Ван Гадинбалын Чагдаржав нь 1911 оны эрх чөлөөний хувьсгалыг санаачилсан удирдагч бөгөөд Богд хаант Монгол улсын Түр Засгийн газрын дарга, Сангийн Хамаг Хэргийг Бүгд Захиран Шийтгэгч Яамны анхны тэргүүн сайд, Түшээт хан аймгийн Чуулган дарга гэх мэт алба хашиж байсан төр нийгмийн нэрт зүтгэлтэн, анхны дипломатч нарын нэг юм.

М.ЯЛАЛТ