АНУ Пакистан дахь цэргийн тоогоо цөөлөх болсон тухайгаа албан ёсоор мэдэгдлээ. Тавдугаар сарын 2-ны өдөр Осама Бин Ладеныг АНУ-ын тусгай хүчин хороосны дараа Пакистаны Засгийн газар Пентагонд хандаж, цэргийн хүчээ бууруулахыг хүссэн байна.

Пакистаны цэргийн хүчнийг бэлтгэх зорилгоор АНУ-ын 200 гаруй цэрэг одоогоор тус улсад үүрэг гүйцэтгэж байгаа гэсэн тоо байгаа ч цаана нь тагнуул, тусгай хүчний гэсэн тодотголтой тодорхойгүй тооны цэргийн албан хаагчид байгаа гэсэн мэдээлэл байгаа аж. Харин Пакистаны талаас тавьсан хүсэлтийн дагуу АНУ хэчнээн тооны цэргээ буцаан татах нь хараахан тодорхойгүй байна.