Олон улсын спортын сэтгүүлчдийн холбоо(AIPS) өөрийн гишүүн 91 орны сэтгүүлчдийн саналаар 2014 оны дэлхийн шилдэг тамирчдыг тодруулжээ. Өнгөрсөн онд үзүүлсэн амжилтаараа Германы шигшээ болон “Бавари” клубийн хаалгач Мануэль Нойер, АНУ-ын теннисчин Серена Уильямс нар дэлхийн шилдэг тамирчнаар нэрлэгдлээ. Харин дэлхийн аварга болсон Германы хөлбөмбөгийн шигшээ баг оны шилдэг багаар шалгарав. Мөн сэтгүүлчдийн ажиллах нөхцөл бололцоог дээд зэргээр хангасан тэмцээнээр “Бразил-2014” хөлбөмбөгийн ДАШТ-ийг нэрлэсэн байна.

Шилдэг эрэгтэй тамирчин:

1.Мануэль Нойер (хөлбөмбөг, Герман) 601 оноо

2.Рожер Федерер (талбайн теннис, Швейцарь) 537 оноо

3.Криштиано Роналду (хөлбөмбөг, Португал) 518 оноо

Шилдэг эмэгтэй тамирчин:

1.Серена Уильямс (талбайн теннис, АНУ) 843 оноо

2.Дарья Домрачева (биатлон, Беларусь) 483 оноо

3.Марит Бьорген (гүйлтийн цана, Норвеги) 473 оноо

Шилдэг баг:

1.Германы хөлбөмбөгийн шигшээ 1562 оноо

2.”Реал Мадрид”                               489 оноо

3.Швейцарийн талбайн теннисни шигшээ 310 оноо

Сэтгүүлчдийн ажиллах нөхцлийг хангасан тэмцээн:

1:”Бразил-2014” хөлбөмбөгийн ДАШТ       757

2.”Сочи-2014” өвлийн олимп                        626

3.Уимблдоны тэмцээн (талбайн теннис)   438 тус тус шалгарсан байна.

Ч.БОЛОР