Доллараар тогтоосон татварыг төгрөгт шилжүүлнэ

Онцгой Албан Татвар /ОАТ/-ын тухай хуулиар бүх төрлийн согтууруулах ундаа, тамхи, автобензин, дизелийн түлш, суудлын автомашин болон төлбөрт таавар, бооцоот тоглоомын үйл ажиллагаанд ашиглагдаж байгаа техник хэрэгсэл, тоног төхөөрөмжид ам.доллараар тооцон татвар ногдуулдгыг энэ жилээс эхлэн халахаар шийджээ.

Монгол Улсын 2015 оны төсвийн тодотголтой хамт өргөн барьсан ОАТ-ын тухай хуулийн өөрчлөлтөөр татварыг ам.доллараар бус төгрөгт шилжүүлэн тооцохоор болж байна.

Ийм өөрчлөлт хийх нь ам.долларын ханшийн хэлбэлзлээс шалтгаалж аж ахуйн нэгжүүдэд ирэх татварын дарамт ихсэхгүй, төсөвт төвлөрөх татварын орлогын хэмжээ ханшийн хөдөлгөөн дагаж өөрчлөгдөхгүй тогтвортой байна гэж төсөл санаачлагчид үзжээ.

Уг хуулийн төслийг УИХ-ын Төсвийн байнгын хороогоор хэлэлцэхэд гишүүдийн 90 гаруй хувийн дэмжлэг хүлээсэн юм. Одоо харин УИХ-ын босго давах учиртай.

Төсөлд ОАТ–ыг дараах байдлаар ногдуулахаар тусгажээ.

Д/д	Онцгой албан татвар ногдуулах барааны нэр, төрөл					Биет нэгж	Ногдуулах онцгой албан татварын хэмжээ /төгрөгөөр/
							Эх орны үйлдвэрийн бараа		Импортоор авсан бараа
1	Хүнсний зориулалттай спирт				согтууруулах ундааны болон эмийн үйлдвэр, хүн, мал эмнэлгийн хэрэгцээнд худалдсан	1 литр	1450		–
					бусад газарт худалдсан	1 литр	14500		–
2							аймгийн	нийслэлийн
	Бүх төрлийн архи:		25 хүртэл хатуулагтай			1 литр	2900	2900	7250
			25-аас 40 хүртэл хатуулагтай			1 литр	5800	5800	14500
			40 ба түүнээс дээш хатуулагтай			1 литр	13050	13050	17400
3	Үйлдвэрлэлийн аргаар боловсруулсан шимийн архи					1 литр	290		–
4	Бүх төрлийн дарс:	35 хүртэл хатуулагтай				1 литр	725		2175
		35 ба түүнээс дээш хатуулагтай				1 литр	6525		8700
5	Бүх төрлийн пиво					1 литр	290		290
6	Янжуур болон түүнтэй адилтгах бусад тамхи					100 ширхэг	3480		3480
7	Дүнсэн болон түүнтэй адилтгах задгай тамхи					1 килограмм	2610		2610
8	Автобензин:			90 хүртэл октантай		1 тонн	0-15950		–
				90 ба түүнээс дээш октантай		1 тонн	0-17400		–
9	Дизелийн түлш					1 тонн	0-21750		–

2/6 дугаар зүйлийн 6.3, 6.4 дэх хэсэг:

“6.3.Энэ хуулийн 4.1.4-т заасан суудлын автомашин импортолсон бол үйлдвэрлэгдсэн оноос хойших хугацаа болон хөдөлгүүрийн цилиндрийн багтаамжийг харгалзан дараах хэмжээгээр онцгой албан татвар ногдуулна:

Д/д	Хөдөлгүүрийн цилиндрийн багтаамж /см3/	Ногдуулах онцгой албан татварын хэмжээ /төгрөг/
		үйлдвэрлэгдсэн оноос хойших хугацаа /жилээр/
		0-3 жил	4-6 жил	7-9 жил	10 ба түүнээс дээш жил
1	1500 ба түүнээс доош	725000	1450000	2900000	8700000
2	1501-2500	2175000	2900000	4350000	10150000
3	2501-3500	2900000	3625000	5800000	11600000
4	3501-4500	6525000	7250000	9425000	15225000
5	4501 ба түүнээс дээш	10150000	10875000	13050000	18850000

6.4 Энэ хуулийн 4.2-т заасан тусгай зориулалтын техник хэрэгсэл, тоног төхөөрөмжид дараах хэмжээгээр ОАТ ногдуулна:

Д/д	Онцгой албан татвар ногдуулах барааны нэр, төрөл	Биет нэгжид ногдуулах онцгой албан татварын хэмжээ /төгрөгөөр, сард/
1	Тоглоомын ширээ буюу электрон хүрд	116000000
2	Автомат тоглоом	4350000
3	Тоглоомын үр дүнг харуулсан касс буюу тотализатор	116000000
4	Бооцоо тооцоолох букмейкерийн төв	116000000