УИХ-ын
Тамгын газрын чуулган, байнгын хорооны хуралдаан зохион байгуулах
албанаас гаргасан ирцийн мэдээгээр өнөөдрийн хувьд УИХ-ын 76 гишүүнээс
зургаа нь орон нутагт, хоёр нь гадаадад ажиллаж байна. Тодруулбал,
УИХ-ын гишүүн Ц.Даваасүрэн, Ө.Энхтүвшин нар тойрогтоо буюу Хөвсгөл
аймагт энэ сарын 27-28-ныг хүртэл ажиллахаар болжээ. Тэгвэл УИХ-ын
гишүүн Д.Оюунхорол, Х.Жекей нар Архангай аймагт, Р.Раш гишүүн Дундговь
аймагт мөн Ц.Шинэбаяр гишүүн Өмнөговь аймагт ажиллаж байна. Тэгвэл
УИХ-ын гишүүн Э.Мөнх-Очир АНУ- руу мордоод 15 хонож буй бол УИХ-ын
гишүүн Д.Балдан-Очир Тайваньд ажиллаж байгаа аж. Түүнчлэн УИХ-ын гишүүн
П.Алтангэрэл, Ц.Батбаяр, Б.Бат-Эрдэнэ, Ц.Дашдорж, Х.Тэмүүжин нар эрүүл
мэндийн улмаас чөлөө авчээ.